Jomhour zebbi

جمهور المرتزقة

بالله حبّـيت نفهم علاش وين يلعب المنتخب التونسي سواء متاع كرة القدم أو متاع كرة اليد أو متاع أيّ كرة أخرى لازمنا نشوفو نفس الخلايق الحرفة متاع الكمشة مشجّعين محترفين اللّي ولاّو يجيبوهم حتى في حصة الأحد الرياضي متاع هاكا العلّة رازي بوراس؟ عرفتوني على شكون نحكي ماهو؟ نحكي على هاك الزويّز شلايك "الحلاّق" متاع فيراج المكشخة والمنظر الأحرف الآخر متاع فيراج الإفريقي هذا اللّي في التصويرة نسيت إسم والديه. ياخي المنتخب ولاّو عاملينو وكالة أسفار بلّوشي للمرتزقة هاذم باش وين يمشي يهزّهم معاه؟ ياخي الجامعة عندها بزايد فلوس وإلاّ قيّد على رزق البيليك، والمفيد يبدا عندنا صبّاب في المدارج باش ما تصيرش "تجاوزات"؟ أنا بصراحة ما ريتها كان عندنا الحكاية هاذي متاع المشجّع المحترف ، كاينّو المنتخب متاعنا ما عندوش جمهور يتبّعو بصفة عفويّة وتلقائيّة، ولازمنا نخلّصو على هالكاراكوز المرتزقة هاذم باش يشجّعوه، حاسيلو شيء يكرّهك في الكورة وفي المنتخب منين هبّ ودب